Gizartea -

EGURALDIA

Abisu horia aktibatu dute haize bortitz eta sute arriskuagatik

Sute abisua bart sartu da indarrean, eta 15:00ak arte egongo da aktibo.

Donostia, artxiboko irudian. Argazkia: EiTB.
Donostia, artxiboko irudian. Argazkia: EiTB.
Donostia, artxiboko irudian. Argazkia: EiTB.

AGENTZIAK | ERREDAKZIOA

Whatsapp Facebook Twitter Telegram Email

Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia ezarri du astelehen honetarako; izan ere, 90 km/h-ko abiadura gaindituko duten haize-boladak espero dira, eta horrek suteak eragin edo indartu ditzake.

Bart sartu da indarrean sute arriskuagatik ezarri duten abisua, eta 15:00ak arte izango da aktibo. Denbora tarte horretan, sute arriskua altua izango da Bizkaia barrualdean, Gipuzkoa barrualdean eta Araban.

Gainera, haize-bolada indartsuak espero dira 09:00ak arte, eta alerta horia piztu dute, hainbat tokitan 90 km/h-ko ufadak izango baitira. Haizeak gutxien joko duen tokietan, 70-80 km/h-ko haize-boladak espero dira.

Hau zure interesekoa bada, baliteke beste gai hauek ere izatea
Bizkaia Gipuzkoako albisteak Eguraldia Bilbao Gizartea Gaurko azken ordukoa