Gizartea -

Trafikoa

AP-68 autobidea itxi dute Amurrion, istripu batengatik

Auto ilara luzeak sortu dira, bereziki Bilborako noranzkoan, enborrak zeramatzan kamioi bat irauli ondoren.

Auto-ilarak Orozko parean. Argazkia: Trafiko Zuzendaritza
Auto-ilarak Orozko parean. Argazkia: Trafiko Zuzendaritza
Kamioi bat irauli eta zama galdu du Amurrion

agentziak | erredakzioa

Whatsapp Facebook Twitter Telegram Email

Kamioi bat irauli da AP-68an, Amurrion, eta auto ilara luzeak sortu dira bi noranzkoetan, AP-68ko hainbat errei itxi ostean, horrek zeramatzan enborrak errepidean sakabanatuta geratu baitira, Segurtasun Sailak zabaldu duenez.

Istripua 07:40 inguruan gertatu da, eta ez da inor zauritu. Bilborako noranzkoan zihoan kamioi bat irauli egin da, eta zama errepidean eta erdibitzailearen gainean erori da. Hiru kilometrotik gorako auto-ilarak sortu dira.

Istripuaren ondorioz, AP-68a erabat itxi dute Bilborako noranzkoan, eta bi errei, Gasteizerakoan, eta, hori dela eta, auto-pilaketa handiak sortu dira inguruetan. Ordu batzuk geroago, errei bat zabaldu dute Bilborako noranzkoan.

Hau zure interesekoa bada, baliteke beste gai hauek ere izatea
Trafiko Istripuak gaur Trafikoa Amurrio Arabako trafiko telefonoa Trafikoko web-kamerak Donostian Gaurko azken orduko albistea AP68 autobidea gaur Aiarako kuadrilla