Basauri 16 txakur eta 5 katurentzako jabe bila dabil

Basauriko Udalak herriko kaleetan aurkitutako 16 txakurren eta 5 katuren fitxak sartu ditu Udalaren webgunean herritarrek adopta ditzaten.

Asier Iragorri Gizarte Politika alorreko zinegotziak ohar batean azaldu duenez, basauriarrek eta nahi duen guztiak txakur eta katu horiei buruzko argazkiak eta gainerako datuak ikus ditzakete Udaletxearen webgunearen bidez.

Ekimen horrekin, Udalak animalia horiek familia bat aurkitzea nahi du, “bigarren aukera bat emateko”.

Orain, animalia horiek La Casa del Perro zentroan daude, animaliak biltzen dituen enpresa horrek Sopelan duen egoitzan.