Gizartea -

Gertaera

Bi lagun ospitaleratu dituzte Bilbon, su-ontzi batek isuritako gasa arnastuta

Dirudienez, hotzari aurre egiteko piztutako su-ontzi batek karbono monoxido-gasak eragin ditu eta, gas kaltegarri horiek arnastuta, bi bizilagun intoxikatu dira.

AGENTZIAK | ERREDAKZIOA

Whatsapp Facebook Twitter Telegram Email

Bi lagun Bizkaiko bi ospitaletara eraman behar izan dituzte haren etxebizitzan piztutako su-ontzi batek intoxikatu ostean, Eusko Jaurlaritzako Segurtasun Sailak jakitera eman duenez.

Dirudienez, hotzari aurre egiteko piztutako su-ontzi batek karbono monoxido-gasak eragin ditu eta, horren ondorioz, bi bizilagun pozoitu dira, gas kaltegarriak arnastuta.

Jazoera ostiral honetan gertatu da, 23:30ak aldera, Bilboko Masustegi Estartan. Etxe horreko bizilagun batek beste biak aurkitu ditu, ia konortea galduta. Biktimak Basurtuko eta Gurutzetako Ospitaleetara eraman dituzte, bertan artatu diezaieten.

Hau zure interesekoa bada, baliteke beste gai hauek ere izatea
Bilbo Gizartea albisteak Eguneko albisteak