438 gizon zigortu zituzten iaz indarkeria matxistagatik, Bizkaian

Bizkaiko auzitegiek 438 gizon zigortu zituzten iaz genero indarkeriagatik. Guztira, 512 epaiketa izan ziren eta horien %88tan salatutako gizona kondenatu egin zuten.

Salatutako gizonen %63,6 espainiarrak ziren eta %36,4 atzerritarrak.

Biktima eta erasotzailearen harreman motari dagokienez, %60,2 ezkontide edo bikote ohia ziren, eta %39,8 egungo bikoteak ziren.

Salaketak eta babes aginduak

2016an zehar, 2.573 salaketa jarri ziren Bizkaiko auzitegietan, 7 eguneko. Salaketa horien %61 biktimek eurek jarri zituzten.

Bestalde, 387 Babes Agindu ezarri ziren eta 223 kasutan ukatu egin ziren agindu horiek.