Gizartea -
Istripua
24 urteko azpeitiarra hil da La Mongien, eskiatzen ari zela
Gaztearen lagunek atzo arratsaldean galdu zuten haren arrastoa, pistetatik kanpo eskiatzea erabaki zuenean. Antza, istripua izan zuen, eta gaur goizean aurkitu dute bere gorpua.
eitb.eus
Azpeitiko Uztarria webguneak jakitera eman duenez, hilik aurkitu dute atzo La Mongien desagertu zen 24 urteko gaztea. Iñigo Larrañaga azpeitiarra da hildakoa.
Gaztearen lagunek atzo arratsaldean galdu zuten haren arrastoa, 15:00ak aldera, pistetatik kanpo eskiatzea erabaki zuenean. Frantziako segurtasun indarrek jakitera eman dutenez, istripua izan eta harri batzuen kontra jo zuen, eta kolpearen ondorioz, hainbat orno hautsi zituen.
Lagunaren arrastoa galdu ostean larrialdi zerbitzuei deitu zieten lagunek eta helikopteroz aritu zen erreskate taldea haren bila. 20:00ak aldera bertan behar utzi zituzten erreskate lanak eta gaur goizean berrekin diete.
Hala, 10:00ak baino lehen, hilik aurkitu dute gaztea, istripua izan zuen lekutik oso gertu.
Lagunekin eskiatzera joana ze hildako gaztea La Mongiera.
Familia han da jada. Udalak doluminak eman dizkie: