Gizartea -
Immigrazioa
Pertsona etorkinen kanpamentu berri bat hustu dute Bilboko Portuan
Portuko Agintaritzak ohartarazi duenez, garbitasun eta higiene publiko “arazo larriak begi-bistakoak” ziren berriro, “kanpamentuko pertsonen osasuna arriskuan zegoen”.
Agentziak | Erredakzioa
Portuko Poliziak, Segurtasun Indarrekin elkarlanean, “baimenik gabeko” kanpamentu berri bat hustu du Bilboko Portuan.
“Legez kanpoko kanpamentu bat” hustu behar izaten duten lehen aldia ez da; izan ere, iragan azaroan pertsona etorkinen talde bat alde egitera behartu zuten.
Portuko Agintaritzak agiri batean azaldu duenez, kanpamentuak “legez kanpokoak” dira, azpiegitura “kritiko” baten lurretan daudelako. Bilboko Portuak “ekonomiari oinarrizko zerbitzu bat” ematen diola gogorarazi du Agintaritzak. “Ondorioz, enpresen eta garraiatzen diren merkantzien segurtasuna bermatu behar da”, gaineratu du.
Gainera, azpiegitura kritiko batek, ororen gainetik, “bertako langileen, bisitarien eta bidaiarien segurtasuna bermatu behar du”, Portuko Agintaritzak erantsi duenez
Garbitasun eta higiene"arazo larriak"
Bestalde, Portuko Agintaritzak ohartarazi duenez, garbitasun eta higiene publiko “arazo larriak begi-bistakoak” ziren berriro, “kanpamentuko pertsonen osasuna arriskuan zegoen”.
Azkenik, kanpamentuek jarraitzen baldin badute ekinbidea berdina izango dela ohartarazi du erakundeak. “Portuko segurtasun betebeharren aurrean ezikusiarena egiterik ez du” Agintaritzak, nabarmendu duenez.
