Gizartea -

Olatuak

Denboraleagatik itxita dauden tokietan sartzeagatik lehen isunak jarri ditu Donostiak

Udaltzaingoak lehen hamar isunak jarri ditu, konkretuki Haizearen Orrazira hurbildu diren pertsonei.

Donostiako Pasealeku Berria, itxita. Artxiboko irudia: EiTB
Donostiako Pasealeku Berria, itxita. Artxiboko irudia: EiTB
Lehen hamar isunak Donostian, olatuengatik jarritako hesia gainditzeagatik

1:43

Agentziak | Erredakzioa

Whatsapp Facebook Twitter Telegram Email

Denborale alerta dela-eta itxita dauden lekuetan ez sartzeko segurtasun hesiak gainditzeagatik lehen hamar isunak jarri ditu gaur Donostiako Udalak, konkretuki Haizearen Orrazira hurbildu diren pertsonei.

Bizilagun batek zenbait pertsona ikusi ditu zonan, eta Udalari abisua eman dio. Ondoren Udaltzaingoa bertaratu da, eta debekua errespetatu ez duten lagunak zigortu ditu, Udaleko iturriek jakitera eman dutenez.

Debekua urratu duen pertsona bakoitzak 200 euroko isuna ordaindu beharko du, baina beste isun batzuekin gertatzen den bezala beherapen bat izango dute epe baten barruan pagatzen dutenek.

Jaramonik ez

Isunak jartzeko erabakia hilabete honetan hartu zuten agintariek, olatu handiak ikusteko kostaldera gerturatzen diren herritarrek debekuei jaramonik egiten ez zietela egiaztatu ondoren.

Bestalde, arduragabekeriagatik arriskuan jarri diren pertsonen erreskateak kobratuko ditu Udalak.

Urtarrilaren 3an Gasteizko bi bizilagun hil ziren, olatu batek Mutrikuko hondartzaren kai-muturretik eraman ondoren.

Hau zure interesekoa bada, baliteke beste gai hauek ere izatea
Donostiako Udala albisteak Donostiako informazioa Denboraleak albisteak Gizartea albisteak Eguneko albisteak Albisteak Isunak gaur