Gizartea -
OSASUNA
Zortzi minbizi mota hautematen dituen odol proba berri bat garatu dute
Diagnostikorako metodo berriak hainbat minbizi mota detektatzeko balio du, obarioetakoa, gibelekoa, urdailekoa, pankreakoa, esofagokoa, biriketakoa, bularrekoa eta kolon-ondestekoa hautematen baitu.
AGENTZIAK | ERREDAKZIOA
Nazioarteko ikertzaile talde batek zortzi minbizi mota garaiz antzemateko balio duen odol proba berri bat garatu du, Science aldizkariak argitaratutako artikulu baten arabera.
Metastasia izan aurretik minbizia hautematea omen da etorkizunean heriotzak gutxitzeko gakoetako bat, aldizkari horri elkarrizketa eskaini dioten adituen esanetan.
Diagnostikoa egiteko metodo berriak minbizi mota hauek detektatzeko balio omen du: obarioetakoa, gibelekoa, urdailekoa, pankreakoa, esofagokoa, biriketakoa, bularrekoa eta kolon-ondestekoa.
CancerSEEK izenarekin bataiatu duten probak 16 generen mutazioak eta 10 biomarkatzaile aztertzen ditu.
