Gizartea -

Lan istripua

Bi langile hil dira furgoneta baten barruan, Loiun, gasa arnastuta

Lehen hipotesien arabera, bi langileak atseden hartzen ari ziren, eta lo geratu dira berogailua piztuta. Gasak arnastuta hil ei dira.

Gertaerak izan diren lekua. EFE
Gertaerak izan diren lekua. EFE

AGENTZIAK | ERREDAKZIOA

Whatsapp Facebook Twitter Telegram Email

Bi langile hilda topatu dituzte gaur arratsaldean furgoneta baten barruan, Loiun, lan istripu batean. Hildakoak 32 eta 33 urteko bi gizon dira, Errumaniakoak, baina euskal enpresa bateko langileak.

Lehen hipotesien arabera, bi gizonak atseden hartzen ari ziren, eta lokartuta geratu dira sorgailu bat konektatuta zuen furgonetaren barruan. Gasak arnastuta hil dira.

Ertzaintzak Osalani bideratu dio ikerketa, lan istripua izan daitekeelako.

Ezbeharra 15:30ean jazo da, Elotxerri auzoan, Loiu eta Sondika lotzen dituen errepidean.

Ordu horretan, herritar batek konorte barik topatu ditu bi gizonak, eta larrialdi zerbitzuetara deitu du. Dena dela, osasun langileek ezin izan dute ezer egin haien biziak salbatzeko.

Lau langile hilda egun batean

Loiukoa ez da izan gaur Bizkaian izandako lan istripu bakarra. Izan ere, gaur goizean, beste bi langile hil dira Galdakaon, autobus batek eta kamioi batek aurrez aurre talka eginda.

Ezbeharra 06:05ean gertatu da, N-240 errepideko 55. kilometroan, Galdakao parean.

Autobus gidariak 31 urte zituen eta Bilbokoa zen; kamioilariak, berriz, 41 urte zituen eta Mena haranean (Burgos) bizi zen, baina jaiotzez bizkaitarra zen.

 

 

Hau zure interesekoa bada, baliteke beste gai hauek ere izatea
Lan-istripuak Azken ordukoa Bizkaia Euskal Autonomia Erkidegoa Gaurko azken orduko albistea