Gizartea -

ISTRIPUA

Renferen aldiriko tren bat bidetik irten da Sestaon, baina ez da zauriturik izan

17:30 aldera izan da istripua. Antza, lurjausia izan da eta horrek bidetik aterarazi du bagoietako bat Urbinagako estazio parean. Bidaiariak Abandoko geltokira eraman ditu beste tren batek.

Bizkaiko suhiltzaileek istripuan ateratako argazkia.
Bizkaiko suhiltzaileek istripuan ateratako argazkia.
Bizkaiko suhiltzaileek istripuan ateratako argazkia.

AGENTZIAK | ERREDAKZIOA

Whatsapp Facebook Twitter Telegram Email

Renfeko aldiriko tren bat bidetik irten da gaur arratsaldean, Sestaon, baina zorionez, ez da zauriturik izan, Herrizaingo Sailak jakitera eman duenez.

17:30 aldera izan da istripua. Antza, lurjausia izan da eta horrek erreietatik aterarazi du lehen bagoia Urbinagako estazio parean.

Larrialdi zerbitzuak bertaratu dira berehala, Bizkaiko suhiltzaileak eta Ertzaintza tartean eta zerbitzua geratuta egon da, gutxienez, 18:15 arte.

Renfeko beste tren bat joan da lekura bidaiariak jasotzera, eta Abandoko geltokira eraman dituzte.

Hau zure interesekoa bada, baliteke beste gai hauek ere izatea
Sestao argazkiak Gizartea Albisteak Gaur Albisteak Tren istripuak albisteak Adif