Gizartea -
Istripua
79 urteko gizon bat hil da Zarautzen, auto batek harrapatuta
Ezbeharra 19:15ak aldera jazo da Zarauzko Gipuzkoa kalean. Gizona harrapatu duen autoak ihes egin du, baina geroago Ertzaintzak gidaria aurkitu eta atxilotu egin du.
Agentziak | Erredakzioa
79 urteko gizon bat hil da igande arratsalde honetan Zarautzen (Gipuzkoa), auto batek harrapatuta, Eusko Jaurlaritzako Segurtasun sailak jakinarazi duenez. Ezbeharra 19:15ean gertatu da, herriko Gipuzkoa kalean.
Gizona harrapatu duen autoak ihes egin du. Hori dela eta, Ertzaintzako hainbat patruila gidari horren bila aritu dira eta 21:00ak pasata, aurkitu dute, Zarautzen bertan. Identifikatu ostean, atxilotu egin dute.
Istripuaren nondik norakoak argitzeko ikerketak zabalik jarraitzen du.
Hau zure interesekoa bada, baliteke beste gai hauek ere izatea