Gizartea -
Istiluak Bilbon
Istiluak San Mamesen inguruetan antifaxisten eta Spartakeko ultren artean
Moskuko taldearen jarraitzaile ultrek bengalak eta kristalezko botilak jaurti dituzte eta Ertzaintzak haien aurka egin du.
EITB.EUS
Spartak Moskuko taldearen jarraitzaile ultrek bengalak eta kristalezko botilak jaurti eta kontainerrak zeharkatu dituzte San Mames kanpoaldean eta Ertzaintzak haien aurka egin du, Segurtasun Sailak eitb.eus-i jakinarazi dionez.
[EGUNERAKETA: Ertzain bat bihotzekoak jota hil da San Mamesetik gertu izandako istiluetan]
Istiluak 19:40 inguruan hasi dira. Ertzaintzak bost pertsona atxilotu ditu.
Ertzaintzak dispositibo zabala jarri du abian eta ingurua zaintzen ari da; izan ere, Athletic eta Spartak taldeen arteko norgehiagoka arrisku handikotzat jo zuten. Partida 21:05ean hasi da San Mamesen.
Segurtasunerako dispostibo zabal horretan 500 ertzain, 100 udaltzain eta Athleticek kontratutako segurtasun pribatuko 100 agente ari dira parte hartzen.