Gizartea -

ISTILUAK BILBON

'Prentsaren eta Athleticeko erradikalen probokazioa' salatu du Spartakek

'Hasieratik genekien ez ginelako ongi hartuak izango', esan du talde errusiarreko arduradun batek. Joaneko partida Moskun jokatu zenean ez zela istilurik izan azpimarratu du.

Bilbon izandako istiluen irudi bat. Otsailak 24. Argazkia: 24
Istiluak, Bilbon. Otsailak 24. Argazkia: EFE.
Nola amaitu daiteke futbolean sarri gertatzen diren istiluekin?

1:30

AGENTZIAK | ERREDAKZIOK

Whatsapp Facebook Twitter Telegram Email

Bilbon joan den ostegunean izandako istiluak "prentsaren eta Athleticeko erradikalen probokazioaren ondorio" izan zirela ziurtatu du Nail Izmailov Moskuko Spartak futbol taldeko presidentordeak. Istiluon erdian Inocencio Alonso Garcia ertzain ermuarra hil zen, bihotzekoak jota.

"Hasieratik genekien ez ginela ongi hartuak izango", nabarmendu du. Batetik, Spartekeko zaleen inguruan prentsak publikatutakoak aipatu ditu, eta, bestetik,  talde zuri-gorriko zaleen martxak eta ezarritako segurtasun neurri zorrotzak. Hori guztia  "probokazioa" izan zela esan du Izmailovek, Errusiako hedabide bati eskainitako elkarrizketan.

Spartakeko zaleek "euren burua defendatu" baino ez zutela egin zehaztu du. "Eraso egiten dizutenean, behartuta zaude zeure burua defendatzera", esan du.

Horren harira, talde errusiarraren presidenteordeak gogoratu du Moskun Athletic eta Spartak taldeen arteko joaneko partida izan zenean ez zela istilurik izan.

Osteguneko istiluetan atxilotutako 9 pertsonak karguekin aske utzi zituen atzo epaileak.

Hau zure interesekoa bada, baliteke beste gai hauek ere izatea
Athletic Futbola Bilbo albisteak Gizartea Albisteak Errusia bideoak