Gizartea -

Bizkaia

Sendagiria jaso dute Leioan sute baten ondorioz zauritutako 11 pertsonek

Sutea astearte arratsaldean piztu zen denda txinatar batean. Toxikatutako pertsonak hiru ospitalera eraman zituzten. Horietako hiru suhiltzaileak ziren, eta beste lau udaltzainak.

Argazkia: Bizkaiko Suhiltzaileak
Argazkia: Bizkaiko Suhiltzaileak

eitb.eus

Whatsapp Facebook Twitter Telegram Email

Sendagiria jaso dute atzo, astearte arratsaldean, Leioan (Bizkaia) denda txinatar batean piztutako sute batean zauritutako 11 pertsonek, Udalak gaur jakinarazi duenez.

Denak ospitaletara eraman behar izan zituzten. Toxikatutako hiru pertsona suhiltzaileak ziren eta, beste lau, udaltzainak.

Sua Iparragirre etorbidean jazo zen, 22. zenbakiaren parean. Sugarrak 19:40an piztu ziren. Establezimendua zazpi solairuko eraikin batean kokatuta dago, eta kea eskaileretatik hedatu zen. Horregatik, auzokideak ebakuatu egin behar izan zituzten.

Suhiltzaileek hara jo eta sua itzali zuten handik gutxira.

Hau zure interesekoa bada, baliteke beste gai hauek ere izatea
Zer gertatu da Bizkaian? EAE Suteak argazkiak Leioa bideoak Gaurko azken ordukoa