Gizartea -

Eguraldia

Abisu horia astelehenean ere indarrean egongo da, haizea dela eta

Segurtasun Sailak jakinarazi duenez, haizeagatik ezarritako abisu horia arratsaldeko 15:00ak arte luzatuko du.

Artxiboko argazkia, Donostian. Argazkia: ETB
Artxiboko argazkia, Donostian. Argazkia: ETB
Autonomia Erkidego guztiak abisu edo alertapean, haizea dela-eta

1:22

eitb.eus

Whatsapp Facebook Twitter Telegram Email

EAE astindu duen haize bortitzak 149,5 km/h-ko ufadak utzi zituen atzo, igandea, Urduñan (Bizkaia), eta 125,6 km/h-koak Tobillasen (Araba), Euskalmet Euskal Metereologia Agentziak azaldu zuenez.   Horrez gain, Oizen (115 km/h), Galean (113,6 km/h) eta Matxitxakon (108 km/h) ere gogor jo zuen haizeak. Arrisku gutxiagoko eremuetan, berriz, honako abiadura izan zuten ufadek: 90,3 km/h Deustun, 85 km/h Saratxon eta 84,67 km/h Gasteizen.

Astelehenean, abisu horia ezarriko dute itsasoan nabigaziorako lehen bi milietan, itsasaldeko arriskutagatik, 09:00etatik 18:00etara.

Bestalde, olatuak 3,5 edo 4 metro artean ibiliko dira. Hondoko ipar-ekialdeko itsasoak 2 metroko olatuak sortuko ditu, eta 3 metrokoak ere izan daitezke arratsaldean.

Gainera, kostaldeko haizeguneetan ere abisu horia ezarriko dute, 09:00etatik 15:00etara.

Hau zure interesekoa bada, baliteke beste gai hauek ere izatea
Bizkaiko albisteak Gaurko albisteak Gipuzkoa Araba Euskal Autonomia Erkidegoa Eguraldia Donostia Gizartea albisteak Gaurko azken ordukoa