Ipar Euskal Herriko mugaren time-lapse bat, sariduna Dubain

Iñaki Tejerina Guruziagak bosgarren saria jaso du time-lapse kategorian, Hamdan Bin Mohammed Bin Rashid Al Maktoum Nazioarteko Argazkilaritza Sariko (HIPA) zazpigarren edizioan, Dubain.

Iñaki Tejerina ingeniari iruindar eta argazkizaleak saria jaso du Nafarroa eta Ipar Euskal Herria arteko mugako irudiekin egin duen time-lapse batengatik.

Argazkilari nafarrak egunsenti eta iluntzeko argiarekin, onenarekin, egin ditu argazkiak eta bideoak, urteko zenbait urtarotan.

Egileak azaltzen duenez, 'Erronkari' da bideoaren izena, eta "nire omenaldi xumea" da "Pirineotako ekialdean kokatua dagoen bailara eder honetako jendeari".

Musika Vanessa Garde musikariak egin du, eta Budapest Art Orchestrak jo du.