Gizartea -

Atxiloketak

Lau atxilotu Bizkaian, pertsonen trafikoaren aurkako operazio batean

Atxiloketak Portugaleten eta Bilbon egin dituzte. Operazioak zabalik jarraitzen du eta ez dute pertsona gehiago atxilotzea baztertu.

Atxiloketak Bizkaian. EiTB
Atxiloketak Bizkaian. EiTB
Bost atxilotu Bizkaian, pertsonen trafikoaren aurkako operazio batean

Agentziak | Erredakzioa

Whatsapp Facebook Twitter Telegram Email

Guardia Zibilak gutxienez lau pertsona atxilotu ditu Bizkaian, eta beste bi Santanderren, pertsonen legez kanpoko trafikoaren aurkako operazio batean, ikerketaren iturriek jakinarazi dutenez.

Atxiloketak Portugaleten, Bilbon eta Santanderren egin dituzte. Operazioak zabalik jarraitzen du, eta ez dute pertsona gehiago atxilotzea baztertu.

Badirudi sareak lotura garrantzitsuak dituela nazioartean. Bilboko eta Santanderreko portuetatik migratzaileak sartzen zituzten. Atxilotuak espainiarrak, kurduak eta albaniarrak dira.

20180319095821_portugalete-atxiloketak-efe_

Bizkaiko atxiloketak Bilbon eta Portugaleten egin dituzte. EFE

Guardia Zibilak Bizkaian atxilotutako lau pertsonen etxebizitzak miatu ditu

Guardia Zibilak Bilbon eta Portugaleten atxilotutako lau pertsonen etxebizitzak miatu ditu gaur goizean. 10:00etan, eskuburdinak jarrita eraman dituzte atxilotuak Guardia Zibilaren komandantziara.

Gizon bat eta emakume bat atxilo hartu dituzte Portugaleteko Hernandorena kaleko eraikin bateko beheko lokalean. Agenteek materialez betetako bi kaxa atzeman dituzte.

Bestalde, Bilboko Alde Zaharreko Aretxaga kaleko 8 zenbakiko etxebizitza bat ikuskatu dute, Bizkaiko hiriburuan atxilotutako bi gizonak han zirela. Guardia Zibilak bi poltsa atera ditu.

Hau zure interesekoa bada, baliteke beste gai hauek ere izatea
Bilboko azken albisteak Portugalete bideoak Gaurko albisteak Bizkaia Albisteak