Gizartea -

Gipuzkoa

Zazpi pertsona ospitalera, Zizurkilgo etxebizitza batean izandako sutean

Ubare auzoko etxebizitza batean piztu dira garrak, lehen solairuan. Etxebizitza kiskalita geratu da.

Zazpi pertsona ospitalera, Zizurkilgo etxebizitza batean izandako sutean

EITB.EUS

Whatsapp Facebook Twitter Telegram Email

Sute larria izan da bart Zizurkilen (Gipuzkoa). Zazpi pertsona ospitalera eraman behar izan dituzte, kea arnastu baitute, Gipuzkoako Suhiltzaileek eitb.eus-i azaldu diotenez.

Sua Ubare auzoko etxebizitza batean piztu da, 05:00ak aldera, lehen solairuaren etxebizitzetako batean. Garrak arin zabaldu dira, eta erabat kiskali dute lehen solairua. Gainerako solairuetan ke asko pilatu da, baina kalteak txikiagoak dira.

Eraikina erabat hustu behar izan dute, eta zazpi lagun artatu behar izan dituzte kea arnasteagatik. Etxebizitzetako batean zegoen txakur bat hil da, halaber.

Sua 05:30ean hartu dute kontrolpean Gipuzkoako suhiltzaileek, eta 07:00etan amatatu.

Oraindik ez dakite zer dela eta piztu den sutea.

 

Hau zure interesekoa bada, baliteke beste gai hauek ere izatea
Albisteak Gipuzkoa Suteak gaur Albisteak Gaur Gaurko azken ordukoa Etxebizitza