Gizartea -

HARRAPAKETA

Hernanin bi gazte harrapatu zituen gidaria Ertzaintzaren aurrera aurkeztu da

Oiartzungo ertzain-etxean agertu da eta deklarazioa eman du. Antza denez, gidaria eta bi zaurituak lagunak dira eta benetan gertatu zena txantxa giroko istripua izan zen.

Harrapaketa Oialumeko biribilgunean gertatu zen. ETBren bideo batetik ateratako irudia.
Harrapaketa Oialumeko biribilgunean gertatu zen. ETBren bideo batetik ateratako irudia.
Harrapaketa Oialumeko biribilgunean gertatu zen. ETBren bideo batetik ateratako irudia.

AGENTZIAK | ERREDAKZIOA

Whatsapp Facebook Twitter Telegram Email

Hernanin igande goizaldean izandako harrapaketan nahastutako gidaria gaur goizaldean Oiartzungo ertzain-etxean aurkeztu da eta deklarazioa eman du, Eusko Jaurlaritzako Segurtasun Sailak jakinarazi duenez.

Atzo 01:30 inguruan gertatu zen harrapaketa, Oialume auzoko biribilgunean, GI-2132 errepidean. Auto gidariak bi gazte harrapatu zituen, eta ondoren ihes egin zuen. Hori dela eta, Ertzaintzak herritarren laguntza eskatu zuen gidaria identifikatu ahal izateko.

21 urteko bi gazteak Donostia Ospitalera eraman zituzten, zaurituta; batak aurpegian zauriak zituen, eta besteak, kolpe ugari gorputz osoan. Hala ere, beraien egoera ez da larria.

Auto gidaria bere kabuz agertu da bart Oiartzungo ertzain-etxera, eta deklarazioa eman du.

Bere lekukotzaren arabera, bi zaurituak eta bera lagunak dira eta benetan gertatu zena txantxa giroko istripua izan zen.

Segurtasun Sailak jakinarazi duenez, argiketa txostena dagokion epaitegiaren esku geldituko da, inolako salaketa eta inputaziorik gabe. Bestalde, Ertzaintzak bertan behera utzi du gertaera argitzeko lekukoei egindako laguntza eskaria.

Hau zure interesekoa bada, baliteke beste gai hauek ere izatea
Trafiko Istripuak errepideetan Trafikoa Ertzaintza Gaurko albisteak Gipuzkoa Hernani bideoak Gizartea albisteak Arabako trafiko telefonoa Trafikoko web-kamerak Gasteizen Albisteak Gaur Oiartzun bideoak Gaurko azken orduko albistea