Gizartea -

Gertaera

Gizon bat atxilotu dute Bilbon, oinezko bat nahita harrapatzeagatik

Biktimak kolpea jaso du buruan eta gidariak positibo eman du atxilotu ostean egindako alkoholemia proban.

Agentziak | Erredakzioa

Whatsapp Facebook Twitter Telegram Email

21 urteko gidari bat atxilotu dute gaur goizean Bilbon, oinezko bat ustez nahita harrapatzeagatik eta alkoholemia proban positibo emateagatik. Biktimak kolpea jaso du buruan eta ospitalera eraman behar izan dute berehala.

Segurtasun Sailak jakinarazi duenez, Ertzaintzak hainbat dei jaso ditu goizeko 06:15 aldera, Zorrozaurreko Erriberan auto batek pertsona bat harrapatu duela ohartarazteko. Biktimak kolpe gogorra jaso du buruan; ibilgailuko gidariak, berriz, ihes egin du.

Lekukoen arabera, lehenik eta behin, gidaria oso azkar pasa da kale horretatik, maniobra arriskutsuak egiten eta hainbat pertsonak baztertu egin behar izan dute, kotxeak harrapa ez zitzan. Ondoren, buelta eman eta oinezkoen aurka joan da ostera ere, oharkabean zebilen oinezko bat harrapatu duen arte.

Atxiloketa

Ertzaintzak gidaria aurkitzeko operazioa ipini du abian, eta ihes egindako autoa geldiarazi dute harrapaketa gertatu den tokitik hurbil. Ustez kolpeak eragindako kalteak zituen ibilgailuak haizetakoan.

Gidariak alkoholemia proban positibo eman duenz, Ertzaintzaren egoitzara eraman dute atxilotuta. Biktima Basurtuko erietxera eraman dute, eta ospitaleratuta geratu da, zauri larriak zituelako.

Hau zure interesekoa bada, baliteke beste gai hauek ere izatea
Trafikoa Bilboko azken albisteak Zer gertatu da Bizkaian? Gaurko azken ordukoa