Gizartea -
Zientzia
Etxenike Europako Fisika Elkarteko ohorezko kide izendatu dute
Estatuan aitorpen hori lortu duen lehen zientzialaria da EHUko katedraduna, fisika esparruan egindako lanagatik.
agentziak | erredakzioa
Europako Fisika Elkarteak ohorezko kide izendatu du Pedro Miguel Etxenike zientzialari nafarra. Beraz, elkartea osatzen duten 20 ohorezko kideen zerrendan sartu da EHUko katedradun eta Donostia International Physics Center (DIPC) Fundazioaren presidentea.
Besteak beste, hauek daude horien artean: zazpi Nobel saridun, Ikerketa Nuklearretarako Europako Kontseiluko bi zuzendari ohi, bi Asturiasko Printzesa saridun eta fisika munduko pertsona garrantzitsuak (Jocelyn Bell astrofisikaria, esaterako).
Estatuan aitorpen hori lortu duen lehen zientzialaria da Etxenike. Europako Fisika Elkarteak bere urteko bileran erabaki zuen merezimendua nafarrari ematea, fisika alorrean egin duen lana “bikaina” delako.