Gizartea -

Ikerketa

Lehen motako diabetesa sendatu dezakeen lehen botika egin dute

Zazpi urteko ikerketaren ostean, molekula bat lehen motako diabetesaren eraso autoimmunea lehengoratzeko gai dela ikusi dute ikertzaileek, arratoietan eta zelula ereduetan frogatutakoaren arabera.

Artxiboko irudia: EiTB
Artxiboko irudia: EiTB

Agentziak | Erredakzioa

Whatsapp Facebook Twitter Telegram Email

Lehen motako diabetesaren aurrean botere terapeutiko handia duen molekula bat aurkitu dute Andaluziako Biologia Molekular eta Birsortzeko Medikuntzan lan egiten duten Osasun Kontseilaritzako ikertzaileek.

BL001 molekulak gaixotasun honetan dituen eraginak zehazten ditu lanak. Zazpi urteko ikerketaren emaitza izan da aurkikuntza.

Ikertzaileek ikusi dutenaren arabera, eurek aurkitutako molekula honek "alfa zelulak eta beta pankreatikoak transdesberdintzean mesede egiten du”, hau da, "alfa zelulak (glukagon hormona produzitzen dute, odolean glukosa igoz eta hipergluzemiari mesede eginez) beta pankreatiko zelulatan bilakatzea laguntzen du; azken hauek intsulina sintetizatu, gorde eta jariatu egiten dute, zelulak berriztatzea lagunduz".

Halaber, lehen motako diabetesaren eraso autoimmunea lehengoratzeko gai dela ikusi dute ikertzaileek, arratoietan eta zelula ereduetan frogatutakoaren arabera.

 

Hau zure interesekoa bada, baliteke beste gai hauek ere izatea
Osasuna plantilla Gaixotasunak albisteak Gizartea albisteak Albisteak Zientzia albisteak Sendagaiak albisteak