Mundua -
Istripua
Bederatzi pertsona hil dira bi trenek talka eginda Moskutik gertu
Antza denez, edukiontziak zeramatzaten 16 zama-bagoi errailetik atera dira; ondorioz, gutxienez bederatzi pertsona hil dira eta hainbat zauritu dira.
Erredakzioa
Gutxienez bederatzi pertsona hil eta 45 zauritu dira Moskutik gertu bi trenek talka eginda, Errusiako Trenen Patzuergoak zabaldu duenez.
"Lehenengo datuen arabera, bederatzi pertsona hil dira gaur, asteartea, eta 45 zauritu. Edukiontziak zeramatzaten 16 zama-bagoi errailetik atera dira. Mosku-Chisinau bidaiari-treneko bi bagoi ere kaltetu dira", Errusiako albiste agentziek jakinarazi dutenez.
Barne Ministerioak azaldu duenez, trenean 400 pertsona zihoazen, 394 txartelak salduta zeudelako. Hildako pertsonen balantzeak gora egingo duela aurreikusi dute, bi merkantzia bagoietako batek bidaiarien bat guztiz harrapatu duelako.
Ezbeharra Bekasovoko geltokitik gertu izan da, elikagaiak zeramatzan tren bat errailetik atera ondoren, seguruenik gehiegizko pisua zeramalako.
Errailetik ateratako bagoiek bidaiariak zeramatzan tren bateko zazpigarren eta zortzigarren bagoiak jo dituzte. Bidaiariak zeramatzan trena Chisinaura zihoan, hau da, Moldaviako hiriburura.