Mundua -

Israelen erasoaldia

800 hildako baino gehiago eta 5.000 zauritutik gora, Gazan

Israeldarren artean, berriz, 34 soldadu eta 3 zibil hil dira, orain 18 egun operazioa abiatu zutenetik. Israelek onartu du kolonoen hiltzaileek ez zutela jardun Hamasen agindupean.

Gaza
Gaza
Israelgo armadaren oldarraldian, jada, 820 palestinar hil dira

0:00

Erredakzioa

Whatsapp Facebook Twitter Telegram Email

Orain 18 egun Israelek abiatutako operazio militarraren ondorioz, 813 pertsona hil eta 5.237 zauritu dira jada Gazan, bertako Osasun Ministerioak emandako datuen arabera. Israeldarren artean, berriz, 34 soldadu ea 3 zibil hil dira. Gaur bertan Israelgo Armadak baieztatu egin du hilaren 20an desagertutako soldaduaren heriotza.

Azken bonbardaketen jomuga talde armatuetako buruen kontrakoak izan dira. Hala, Israelek Sala al-Bardawil Hamaseko buruzagiaren etxebizitzari egin dio eraso, mugimendu islamistak berak jakitera eman duenez. Bestalde, Salah Abu Hasanin Talde Yihadistako burua hil egin da, Israelek bere etxebizitzaren kontra jaurtikitako misilaren ondorioz, taldeak berak baieztatu duenez.

Kolonoen hiltzeketa

Bestalde, Israelek onartu du hiru kolonoen israeldarren hiltzaileek ez zutela jardun Hamasen agindupean. Hain zuzen ere, hilketa horiek piztu zuten egun Gazan indarrean den operazio militarra. Micky Rosenfeld Israelgo Poliziako bozermaileak BBC telebista kalean esan duenez, Hamaseko talde baten kideak ziren hiltzaileak, baina ez zuten jardun Hamaseko buruen agindupean.

Su-eten humanitarioa

Ban Ki-moo NBEko idazkari nagusia eta John Kerry AEBko diplomaziaren burua Kairon bildu dira berriz ere ostiral honetan, su-eten humanitarioa bultzatu nahian. Lortzekotan, igande honetan jarriko litzateke indarrean, eta astebetekoa izango litzateke.

OME

OME Osasunaren Mundu Erakundea ere Gazan korridore humanitarioa irekitzea eskatu du, zaurituak ebakuatu eta oinarrizko sendagaia bertara eramateko. Izan ere, lau erietxek kalteak jasan dituzte, erasoen ondorioz, OME erakundeak salatu duenez.

Hau zure interesekoa bada, baliteke beste gai hauek ere izatea
Munduko albisteak Gazako argazkiak Eguneko albisteak Eguneko albisteak Israel albisteak azken ordukoa Palestina MOE gaur Zer gertatzen ari da Ekialde Hurbilean? Hamas gaur