Publizitatea
X

Irratia zuzenean

Ebola | Bi txerto Afrikan, abenduan, probatzen hastea espero du OMSk

Mundua

Ebola

Abenduan bi txerto Afrikan probatzen hasiko da Osasun Erakundea

Erredakzioa

2014/10/24

Saioak Liberian hasteko asmoa dutela eman du jakinera Munduko Osasun Erakundeak. Bestalde, New Yorkeko ospitalean dagoen medikuak positibo eman du ebolaren bigarren proban ere.

  • Marie Paule Kieny OMSko zuzendariaren ondokoa. Argazkia: EFE

    Marie Paule Kieny OMSko zuzendariaren ondokoa. Argazkia: EFE

    Marie Paule Kieny OMSko zuzendariaren ondokoa. Argazkia: EFE
  • Partekatu
  • Bidali

Iruzkinak

Abenduan ebolaren aurkako bi txerto Afrikan probatzen hasteko asmoa du Munduko Osasun Erakundeak. Entseguen bigarren fase batean, txertoen eraginkortasuna egiaztatu nahi dute.

Saiakuntzak Liberian hasteko asmoa dutela azaldu du Marie Paule Kieny Osasun Erakundeko zuzendariaren ondokoak. Bestalde, Sierra Leonako eta Gineako buruzagiekin hitz egiten hasi direla zehaztu du, herrialde horietan ere txertoa probatzeko.

Osasun Erakundeak bilera batera deitu ditu industria farmazeutikoak eta herrialde garatuetako zein ebolak jotako estatuetako ordezkariak. Txertoen inguruko alderdi garrantzitsuak eta produkzioa aurrera eramateko finantziazioa eztabaidatu dituzte. Eta Kienyk jakinarazi duenez, dohaintzarako herrialdeek, Munduko Bankuak eta Gavi txertoen aliantzak egitasmoa finantzatzeko borondatea azaldu dute.

Positiboa New Yorken

Bestalde, New Yorkeko ospitalean dagoen medikuak positibo eman du ebolaren bigarren proban, Mary Basset hiriko osasun arduradunak gaur iragarri duenez.

Craig Spencer medikuak lehen proban positibo eman zuela baieztatu zuten bart New Yorkeko agintariek. Spencer Ginean lanean aritutakoa da.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena