Mundua -

Belgikan erosi zituzten Kouachi anaiek atentatuan erabilitako armak

Armak Amedy Coulibaly Parisko juduentzako supermerkatuan izandako atentatuaren egileak lortu zituela uste dute ikerketaren arduradunek.

Erredakzioa

Whatsapp Facebook Twitter Telegram Email

Charlie Hebdo astekariaren aurkako atentatua egiteko erabili zituzten armak Belgikatik ekarri zituzten Kouachi anaiek, Het Laatste Nieuws egunkariak gaur kaleratu duenaren arabera.

“Said eta Cherif Kouachik erabili zuten suziri-jaurtigailua eta Kalashnikov fusila Belgikatik atera ziren”, zabaldu dute egunkari horretako kazetariek.

Armak Amedy Coulibaly Parisko juduentzako supermerkatuan izandako atentatuaren egileak lortu zituela uste dute ikerketaren arduradunek.

Egunkari horren arabera, bai Kalashnikov fusila bai suziri-jaurtigailua 5.000 eurotik beherako prezioan erosi zituzten, Bruselako Midi geltokitik gertu.

Bestalde, 34 urteko gizonezko bati lau urteko espetxe-zigorra ezarri diote, Kouachi anaien atentatua polizia baten aurrean goratzeagatik.

Antza, edanda gidatzen zihoala harrapatu zuten eta, poliziak gelditu zuenean, Kouachi anaien tiroketa goratu zuen gizonezkoak.

Hau zure interesekoa bada, baliteke beste gai hauek ere izatea
Frantzia argazkiak Atentatuak argazkiak