Mundua -

Dagoeneko atxilotu dute

Gizon armatu batek Herbehereetako telebista publikoari eraso egin dio

NOS telebista publikoaren langileak egoitzatik atera dituzte. Gaueko albistegiaren emisioa eten behar izan dute.

Poliziak eta NOS telebistako langileak egoitza hustu eta gero. Argazkia: EFE
Poliziak eta NOS telebistako langileak egoitza hustu eta gero. Argazkia: EFE
Poliziak eta NOS telebistako langileak egoitza hustu eta gero. Argazkia: EFE

Erredakzioa

Whatsapp Facebook Twitter Telegram Email

Gizon armatu bat NOS Herbehereetako telebista publikoaren eraikinean sartu da gaur, Hilversumen. Gaueko albistegia egiten ari zirenean gertatu da.

Poliziak erasotzailea atxilotu du dagoeneko, De Telegraaf egunkariak webgunean jakitera eman duenez. Egoitza hustu eta langileak atera dituzte. Emisioa eten behar izan dute.

“Erredakzioa hustu dute gizon armatua sartu eta gero”, azaldu du NOSek bere webgunean. “Erasotzaileak albistegietan zuzenean sartzeko uztea eskatu du”, erantsi duenez.

Polizia eraikina miatzen ari da eta helikopteroak Hilversumen gainetik hegan egiten ari dira segurtasuna bermatzeko.

Jan de Jong NOSeko zuzendariak azaldu duenez, “gizon armatua dagoeneko atxilotu dute, eta eraikinean bahitu batekin sartu da”.

Erasoaren irudiak

Emisioa ia ordubete etenda egon eta gero, Hagako estudioetatik emisioa leheneratu du telebistak.

Albistegietako platora bidean, gizon armatua langile baten hizketan ikusten da NOSek eman dituen irudietan.

Minutu batzuk geroago Polizia erredakzioan sartu da eta arma lurrean uztera behartu du, eta ondoren atxilotu du.

Telebistaren arabera, gizonak pistola isilgailu batekin zeraman eta zaindari bati mehatxu egin dio.

Hau zure interesekoa bada, baliteke beste gai hauek ere izatea
Herbehereak