Mundua -

Dallas

Poliziak bi gizon hil ditu AEBn, Mahomari buruzko erakusketa batean

Bi gizonezkoek agente baten aurka tiro egin dute, eta baliteke lehergailuak eraman izana.

Segurtasun agente bat Mahomaren karikaturei so, tiroketa jazo baino lehen. EFE
Poliziak 2 gizon hil ditu Dallasen, Mahomari buruzko erakusketa batean

1:12

AGENTZIAK | ERREDAKZIOA

Whatsapp Facebook Twitter Telegram Email

Dallasko (AEB) Poliziak Mahomari buruzko karikaturen erakusketa polemiko batean agente bat tirokatu duten bi gizonezko hil ditu gaur goizaldean.

NBC telebista katearen arabera, bi gizonezkoak autoz iritsi dira erakusketa hartzen duen kultur etxera, eta, ondoren, tiro egin dute agente baten aurka. Zentroaren barruan zeuden 50 pertsonak ebakuatu behar izan dituzte, eta eskola batera eraman dituzte. Alboan dauden dendak eta lokalak ere hustu dituzte.

WFAA telebista kateak gaineratu duenez, baliteke bi gizonezkoak lehergailuak eraman izana.

Kultur etxeak segurtasun neurri zorrotzak zituen, Mahomari buruzko karikaturen erakusketa oso polemikoa izan baita. AEBko Askatasunen Defentsarako Ekimenak antolatu du, urtarrilean Dallasen talde islamiko batzuek hainbat ekitaldi egin ostean.

Mahomaren irudiak publikatzea debekatuta dago Indian eta herrialde musulmanetan, eta, horrenbestez, probokazio gisa hartzen dute erlijio horretako fededunek. Mendebaldean, baina, adierazpen askatasuna aldarrikatzen dute Islamaren profeta irudiztatu ahal izateko.

Hau zure interesekoa bada, baliteke beste gai hauek ere izatea
Ameriketako Estatu Batuak bideoak