Mundua -
Immigrazioa
Italiara joateko asmoa zuten 580 etorkin atzeman dituzte Libian
Trafikatzaile askok Libia aukeratzen dute etorkinak ontziratzeko, herrialde horretan dagoen krisi politikoa dela-eta, segurtasun-neurri gutxiago baitaude bertan.
AGENTZIAK | ERREDAKZIOA
Libiako agintariek Saharaz hegoaldeko 500 etorkin baino gehiago atxilotu dituzte. Segurtasun iturriek jakinarazi dutenez, Italiara itsasoz bidaiatzeko zain zeuden.
Etorkinak landetxe baten zeuden, ontziratzeko zain, Poliziak atxilotu dituenean. Legez kanpoko immigrazioaren aurkako Libiako taldearen arduradun Abdalnaser Azzamek azaldu duenez, komunikatzeko hainbat gailu atzeman dizkiete.
"GPSak, satelite bidezko hiru telefono, hamar mugikor, ordenagailuak eta salbamendurako jakak atzeman dizkiete", azaldu du Azzamek.
Pertsona-trafikatzaileek Lampedusa uhartean lehorreratu ohi dituzte etorkinak, eta askok Libia aukeratzen dute etorkinak itsasontzietan sartzeko, bertan dagoen krisi politikoa dela-eta, segurtasun-neurri gutxiago baitaude bertan.
