Mundua -

Gutun batean

Rioko Olinpiar Jokoak atzeratzeko edo lekuz aldatzeko eskatu dute

125 zientzialarik gutun bat sinatu dute zika birusaren mehatxua dela eta Olinpiar Jokoak atzeratzeko eskatuz.

EFE
EFE
EFE

Agentziak | Erredakzioa

Whatsapp Facebook Twitter Telegram Email

Osasun arloko 125 zientzialarik Rio de Janeiroko 2016ko Olinpiar Jokoak lekuz aldatzeko edo atzeratzeko eskatu dute, zika birusak batez ere Latinoamerikan duen hedapena dela eta.

Munduko Osasun Erakundeari (MOE) bidalitako eskutitz ireki batean, Olinpiar Jokoak Rion egitearekin kezkatuta agertu dira, “osasun larrialdi publikoa globala delako”.

Hori dela eta, Olinpiar Jokoak Rion ez egitea edo atzeratzea galdegin dute. “Historiak erakutsi digu hau ez dela zuzena: 1916, 1940 eta 1944ko Olinpiar Jokoak atzeratu eta bertan behera utzi zituzten, eta beste kirol jarduera batzuk lekuz aldatu zituzten. Beisboleko ligarekin ere gauza bera gertatu da zikaren ondorioz, eta baita ebolaren mehatxuagatik Nazioen Afrikako Koparekin”.

 

 

 

AEBtako gaixotasuna kontrolatzeko zentroak egindako gomendioarekin –zika birusa aktiboki transmititzen ari diren tokietara bidaiatzeko asmoa duten langileei bidaia atzerako eskatu die- bat egin dute osasun adituok.

“Aholku horri jarraituz gero, kirolariek ez lukete aukeratu beharko gaixotasuna hartzeko arriskuaren edo lehiatzearen artean”, esan dute.

“Munduko 500.000 turista Olinpiar Jokoetara joatea beharrezkoa ez den arrisku baten aurrean jartzea da”, deitoratu dute.

2015eko maiatzean eman zen Brasilen zikaren azken agerraldia. Gainera, zika kasurik gehien duten herrialdeko estatuen artean, bigarrena da Rio de Janeiro. Otsailean hartu zuen Munduko Osasun Erakundeak zika birusaren agerraldia nazioarte mailako osasun larrialditzat.

Hau zure interesekoa bada, baliteke beste gai hauek ere izatea
Munduko albisteak 2024 Albisteak Gaur Gaurko azken orduko albistea Zika birusa albisteak BAT to Rio Brasil albisteak MOE gaur