Mundua -

Hegazkin istripua

Chapecoense taldeak eskerrak eman ditu, baita euskaraz ere

Twitter sare sozialean duen kontuan bideo bat argitaratu du ezbeharra izan zenetik jasotako babesa eskertzeko.

Agradecimiento Chapecoense EITB
Agradecimiento Chapecoense EITB
Agradecimiento Chapecoense EITB

EITB.EUS

Whatsapp Facebook Twitter Telegram Email

Hegazki istripua izan zenetik jasotako babes eta elkartasun mezu andanari erantzuteko berba bila, hainbat topatu ditu Chapecoense Brasilgo futbol taldeak, tartean euskarazko bat: "eskerrik".

Futbol taldeko kide ugari zeramatzan hegazkinak istripua izan zuen azaroaren 29an, Kolonbian, eta 71 pertsona hil ziren. Gaur, ia astebete geroago, eskerrak emateko bideoa plazaratu du klubak.

Chapecoensek minutu bateko iraupena duen bideoa eskegi du Twitterren duen kontuan. "Hitz bat bilatu dugu eskerrak emateko, eta hainbat topatu ditugu", esaten dute bideoaren hasieran. Segidan, esker hitzak ageri dira hainbat hizkuntzatan, eta euskarari ere egin diote tartea, "eskerrik" ere jaso baitute horien artean.

Hau zure interesekoa bada, baliteke beste gai hauek ere izatea
Futbola azken ordukoa Nazioarteko albisteak Hegazkin istripuak Albisteak Kolonbia Brasil