Mundua -
Bake-akordioa
Kolonbiako Ganberak FARCeko kideentzako Amnistia Legea onartu du
Armagabetze prozesuan FARCeko kideek berme juridikoa izatea bilatzen du legeak.
Agentziak | Erredakzioa
Bake akordioaren ondotik, Kolonbiako Ordezkarien Ganberak Amnistia Legea onartu du gaur, FARCeko kideek berme juridikoa izan dezaten armak entregatzerakoan.
Amnistia Legeak 121 parlamentarien babesa jaso du eta ez kontrako botorik izan. Araua orain Senatuan eztabaidatuko dute eta gaur bertan onartuko dutela espero da.
Amnistia Legeaz baliatuko ahalko dira FARCeko kideak, gizateriaren aurkako delituak egin dituztenak, sexu-abusuen egileak edo adingabeak errekrutatzen aritu izan direnak salbu.
Gatazka armatuak iraun duen urteetan krimenak egin dituzten Kolonbiako polizia eta militarrentzako tratamendu berezia ere aurreikusten du lege berriak.
