Mundua -
Manaos hirian
60 pertsona hil dira Brasilen, espetxe batean izandako matxinadan
Sao Paulon finkatuta dagoen Primer Comando de la Capital taldearen eta Amazonia estatuko kartzelak kontrolatzen dituen Familia do Norte taldeen artean izandako borrokak eragin du matxinada.
AGENTZIAK | ERREDAKZIOA
Gutxienez 60 pertsona hil dira Brasilgo Manaos hiriko kartzelan izandako matxinadan, Amazonas estatuko Segurtasun Ministerioak baieztatu duenez.
Epitacio Almeida OABk Amazonian duen Giza Eskubideen Batzordeko presidenteak matxinatutako presoekin izandako negoziazioetan parte hartu du eta bahituak askatzeko lan egin du. Gaur goizean amaitutzat eman dute matxinada eta azken bahituak askatu dituzte.
Sao Paulon finkatuta dagoen Primer Comando de la Capital taldearen eta Amazonia estatuko kartzelak kontrolatzen dituen Familia do Norte taldeen artean izandako borrokak eragin du matxinada.
Borrokaldian hainbat pertsonari lepoa edo gorputz-adarren bat moztu diote eta beste zenbait gorpu erre egin dituzte, OABk berri eman duenez.