Mundua -

Jihadismoa

Erasoaldia Mosulen, Estatu Islamikoaren gotorlekuen kontra

Irakeko Operazio Bateratuen komandanteak, Abdelamir Yarala, azaldu duenez, Al Azba, Al Kafur, Al Yamasa, Al Beyuari eta Al Lazaka herriak askatu dituzte.

Mosuleko artxiboko argazkia. EiTB
Mosuleko artxiboko argazkia. EiTB
Mosuleko artxiboko argazkia. EiTB

Agentziak | Erredakzioa

Whatsapp Facebook Twitter Telegram Email

Irakeko Armadak Estatu Islamiarrari bost herri kendu dizkio Mosul hegoaldean eta hego-ekialdean, Irak iparraldeko hiri honetako mendebaldeko auzoak askatzeko erasoaren hasieran.

Irakeko Operazio Bateratuen komandanteak, Abdelamir Yaralak, azaldu duenez, Al Azba, Al Kafur, Al Yamasa eta Al Beyuari herriak askatu dituzte, hiriaren hegoaldeko sarreran.

Halaber, Irakako Armadak Al Lazaka hiria kontrolpean hartu dute, hiriaren hego-mendebaldean, eta Irakeko banderak ipini dituzte eraikinetan.

Yaralaren esanetan, tropa irakiarrak aurrera jarraitu eta hiria inguratu dute hego-ekialdetik. Jihadisten artean hildakoak egon direla baieztatu du, nahiz eta ez duen xehetasun gehiago eman.

Haidar al Abadi lehen ministroak eta Irakeko Armadaren buruak Mosul Estatu Islamiarraren uztarritik askatzeko batailaren hirugarren fasearen hasiera iragarri du. Ekialdeko auzoak urtarrilean askatu zituzten.

Agentzia humanitarioak laguntza eta tokia prestatzen ari dira, borroketatik ihes egingo duten 250.000 eta 400.000 zibil inguru hartzeko. NBEren arabera, 750.000 eta 800.000 zibil bizi dira jihadistek kontrolatutako mendebaldeko barrutietan.

 

 

Hau zure interesekoa bada, baliteke beste gai hauek ere izatea
Nazioarteko albisteak Estatu islamiarra berriak Jihadismoa hoy Gaurko azken ordukoa