Mundua -

Alemania

Erasoa aizkoraz Dusseldorfen: Bederatzi zauritu, batzuk larri

Poliziak susmagarri bat atxilotu du, 36 urtekoa, Alemaniako hiri horretako geltoki nagusian izen den erasoaren ostean. Erasotzaileak buruko gaixotasunen bat luke, Poliziaren arabera.

Dusseldorfeko tren geltoki nagusia, Alemanian. Argazkia: EFE
Dusseldorfeko tren geltoki nagusia, Alemanian. Argazkia: EFE
Dusseldorfeko tren geltoki nagusia, Alemanian. Argazkia: EFE

Agentziak

Whatsapp Facebook Twitter Telegram Email

Gizon batek bederatzi pertsona zauritu ditu, horietatik batzuk larri daude, aizkora batekin Dusseldorfeko (Alemania) tren geltoki nagusian. Bart izan da erasoa eta Alemaniako Poliziak ustezko erasotzailea, 36 urtekoa, atxilotu du, tokiko hedabideek jakitera eman dutenez.

Alemaniako Poliziak segurtasuna indartu du inguruan, eta hainbat bidai atzeratu dituzte erasoaren ostean.

Segurtasun indarrek Kosovoko 36 urteko gizon bat atxilotu dute. Wuppertal Dusseldorfetik 30 bat kilometrora dagoen hiri batean bizi da. Poliziaren ustean, erasotzaileak bakarrik egin du atentatua, eta buruko gaixotasunen bat luke.

Ustezko erasotzailea tren geltokitik ihes egiten ahalegindu da, baina zubi batetik salto egitean erori egin da eta larri zaurituta eraman dute erietxera. Gertatutako argitzeko ikerketa zabalik jarraitzen du, eta ez dira atxiloketa gehiago baztertzen.

 

Dusseldorfeko tren geltoki nagusia, Alemanian. Argazkia: EFE

Hau zure interesekoa bada, baliteke beste gai hauek ere izatea
Munduko albisteak 2024 Alemania albisteak Eguneko albisteak