Mundua -

Portugal

5 hildako hegazkin txiki bat supermerkatu baten ondoan erorita, Portugalen

Abionetan zihoazen lau pertsonak eta ezbeharraren unean supermerkatuaren inguruko aparkalekuan zegoen lagun bat dira hildakoak.

Hegazkin txikia supermerkatu baten ondoan erori da. Argazkia: EFE
Hegazkin txikia supermerkatu baten ondoan erori da. Argazkia: EFE
Hegazkin txikia supermerkatu baten ondoan erori da. Argazkia: EFE

Agentziak | Erredakzioa

Whatsapp Facebook Twitter Telegram Email

Gutxienez bost pertsona hil dira hegazkin txiki bat supermerkatu baten ondoan erorita, Portugalgo Tires herrian, Lisboatik hurbil, hango komunikabideek jakinarazi dutenez.

Abioneta 11:45ean atera da Tiresetik, Marseillara bidean. Alabaina, aireratu eta gutxira erori egin da, argitu gabe dauden arrazoiak tarteko. RTP telebista-katearen arabera, Frantziako hiru lagun eta Suitzako beste bat zihoazen hegazkin txikian.

Bosgarren biktima ezbeharraren unean aipatu supermerkatuaren inguruko aparkaleku batean zegoen pertsona bat da.

Istripuaren ondorioz hainbat sute piztu dira eta gutxienez lau pertsona artatu behar izan dituzte kea arnastu dutelako.

Marcelo Rebelo de Sousa Portugalgo presidentea ezbeharraren tokira bertaratu da.

Hau zure interesekoa bada, baliteke beste gai hauek ere izatea
Nazioarteko albisteak Hegazkin istripuak gaur Eguneko albisteak Portugal albisteak Supermerkatuak