Martxa isil batek azken protestetan hildakoak omendu ditu Caracasen

Milaka venezuelar Caracasko kaletatik zehar manifestatu dira isilean Mesa de la Unidad Democratica (MUD) Venezuelako oposizioko alderdiak deituta, azken egunetako protestetan hildako pertsonak omentzeko.

Bertaratu diren gehienak zurizko jantzita zeuden, eta apezpiku-konferentziaren egoitzak izan dituzte helmuga.

"Caracasko kaleetatik zehar oinez gabiltza, bakean eta isilik, errepresioaren biktimen oroimenez eta nazio adiskidetzearen alde otoi egiten", adierazi du Twitter bidez Lilian Tintori opositoreak, Leopoldo Lopezen emazteak.

Hasiera batean Poliziak mobilizazioa egitea oztopatu du, "aurrekoetan izandako indarkeria guneak ekiditeko", baina gerora, martxak beste bide batetik aurrera egitea baimendu dute.