Publizitatea
X

Irratia zuzenean

Israelen eta Palestinaren artean bakea lortzeko prest dago Trump

Mundua

AEB

Israeldarren eta palestinarren artean bakea errazteko prest agertu da Trump

Agentziak | Erredakzioa

2017/05/03

Helburu horrekin bi herrialdeekin negoziatzeko prest agertu da Ameriketako Estatu Batuetako presidentea.

  • Donald Trump eta Mahmoud Abbas. Argazkia: EFE

    Donald Trump eta Mahmoud Abbas. Argazkia: EFE

    Donald Trump eta Mahmoud Abbas. Argazkia: EFE
  • Partekatu
  • Bidali

Iruzkinak

Israeldarren eta palestinarren artean bakea ekarri dezakeen “akordioa errazteko” prest agertu da asteazken honetan Donald Trump Ameriketako Estatu Batuetako presidentea. Bere esanetan, bi aldeek zuzenean negoziatu behar duten gaia da, eta AEBk ez luke bakea inposatu behar.

Mahmoud Abbas Palestinako Aginte Nazionalaren (ANP) presidentearekin batera egindako agerraldian, bi herrialde horien arteko bake akordioa lortzeko “konpromisoa” hartu duela esan du Trumpek. Hala, helburu hori lortzeko bi aldeekin lan egiteko prest agertu da.

“Nire esku dagoen guztia egingo dut akordio hori errazteko. Haiek nahi dituzten gaietan bitartekari lanak egiteko prest nago”, esan du Trumpek. Ildo horretatik, israeldarren eta palestinarren bake akordioa lortzea bere bizitzan zehar akordiorik zailena dela behin eta berriro entzun duela gaineratu du.

Dena dela, bi herrialde horien artean bakea lortzeko bere iritziz eman behar diren urratsen inguruan ez du xehetasun gehiagorik eman nahi izan AEBko presidenteak. Hala, akordio iraunkor bat lortu ahal izateko Palestinako buruzagiek indarkeriaren kontra aho batez hitz egin behar dutela nabarmendu du.

Halaber, bakea Estatu Islamikoari aurre egitea eta bestelako talde terroristak garaitzea dela ziurtatu du Trumpek.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena