Mundua -

Ika-mika

FBIko zuzendari ohia gezurti eta 'filtratzaile' bat dela uste du Trumpek

James Comeyk atzo Senatuan egindako adierazpenei Twitter bidez erantzun die AEBko presidenteak.

Donald Trump. EFE
Donald Trump. EFE
Donald Trump. EFE

Agentziak | Erredakzioa

Whatsapp Facebook Twitter Telegram Email

Donald Trump Ameriketako Estatu Batuetako (AEB) presidentearen hitzetan, James Comey FBIko zuzendari ohia gezurti eta 'filtratzaile' bat da.

Comeyk agerraldia egin zuen Senatuko Inteligentzia Zerbitzuan, Mike Flynn AEBko Segurtasun Nazionaleko aholkulari izandakoak Errusiarekin omen zuen loturak direla eta abiatutako auzian. Comeyk Senatuan esan zuenez, Trumpek "leialtasuna" eta Flynn ez ikertzeko eskatu zion. Hori frogatuko balitz, presidentearen kontrako impeachement prozedura abiatu liteke AEBn.

Gaur etorri da Trumpen erantzuna. "Gezur eta adierazpen faltsu ugari" botatzea egotzi dio Comeyri, eta "filtratzaile" deitu du.

Aurretik ere egin du Trumpek Comeyren kontra. FBIko zuzendaritzatik kendu eta egun batzuetara, euren elkarrizketen "zintak" publiko egitearekin mehatxatu zuen Twitterren botatako mezu batean. Hain justu, txio hori irakurri eta gero, AEBko presidenteak egindako eskakizunak filtratzea erabaki zuen Comeyk, eta The New York Times egunkariko kazetari lagun bati kontatu zion dena, Senatuan aitortu zuenez.

 

Hau zure interesekoa bada, baliteke beste gai hauek ere izatea
Munduko albisteak Ameriketako Estatu Batuak argazkiak Gaurko azken ordukoa Trump gaur FBI