Trump eta Netanyahu berriz bilduko dira, oraingo honetan New Yorken

Benjamin Netanyahu Israelgo lehen ministroa eta Donald Trump AEBko presidentea berriz bilduko dira, irailaren 26an New Yorken NBEko Batzar Nagusiak bilera egingo duela aprobetxatuta.

"New Yorken Trump presidentearekin, nire lagunarekin, elkartzeko irrikan nago", esan du lehen ministro israeldarrak, The Jerusalem Post egunkariak adierazi duenez.

Netanyahuk prentsaurrekoan egin ditu adierazpenok, Latinoamerikan egiten ari den biraren baitan. Lehenengo, Argentinan egingo du bisita, Kolonbian eta Mexikon egongo da gero, eta New Yorkera abiatuko da ondoren.

Etxe Zuriak ez du Trumpen eta Netanyahuren arteko bilera horren aipamenik egin oraindik.