Publizitatea
X

Irratia zuzenean

Dagoeneko 31 dira Kaliforniako baso-suteen ondorioz hildako pertsonak

Mundua

AEB

Dagoeneko 31 dira Kaliforniako baso-suteen ondorioz hildako pertsonak

Agentziak | Erredakzioa

2017/10/13

Halaber, 20.000 pertsona ebakuatu dituzte, aurrera egiten jarraitzen duten hogei baso-sute baino gehiagoren ondorioz.

1:21
  • Partekatu
  • Bidali

Iruzkinak

Gutxienez 31 pertsona hil dira eta beste 20.000 ebakuatu dituzte, Kalifornian, Estatu Batuen mendebaldean, aurrera egiten jarraitzen duten hogei baso-sute baino gehiagoren ondorioz.

Santa Rosa ardogintzaren hirian hainbat pertsonaren gorpuak aurkitu dituzte, baina litekeena da datozen orduetan hildakoen kopuruak gora egitea, Suhiltzaileen Departamentuak CNN kateari jakitera eman dionez. Sonomako konderrian 240 pertsona desagertu dira, eta 57 bakarrik aurkitu dituzte bizirik.

Suak 69.000 hektarea eta 3.500 eraikin suntsitu ditu. Suteak nola piztu diren argitu ez bada ere, haize indartsuek lurrera botatako linea elektrikoek eragin zituztela uste dute.

Jerry Brown gobernatzaileak azaldu duenez, larrialdi-egoera deklaratu dute Napa, Sonoma eta Yuba konderrietan, "milaka etxe" arrisku larrian baitaude suteen aurrean.

Estatuko hainbat puntutan, 8.000 suhiltzaile ari dira lanean, suteak itzaltzeko ahaleginean. Agintariek hogeita hamar bat zisterna-hegazkin eta 73 helikoptero bidali dituzte gune kaltetuenetara.

"Suteek azpiegiturak arriskuan jartzen jarraitzen dute; autobide eta errepide nagusiak itxi behar izan ditugu", adierazi du Brownek.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena