Mundua -
Venezuela
Madurok Petroa sortuko duela iragarri du, Venezuelako diru digitala
Diru arloko burujabetza bultzatzeko, finantza-transakzioak egiteko eta finantza-blokeoa gainditzeko xedez hartu duela neurria azaldu du.
Agentziak | Erredakzioa
Nicolas Maduro Venezuelako presidenteak Petro diru digitala sortuko duela iragarri du, diru arloko burujabetza bultzatzeko, finantza-transakzioak egiteko eta finantza-blokeoa gainditzeko.
"Diru digitala sortuko duela iragarri du Venezuelak. Petro izena izango du (?), eta nazioartean finantziazioa bilatzen jarraitzeko modu berriak izateko aukera emango digu, herrialdearen garapen ekonomikoa eta soziala handitzeko", esan du Madurok astero VTV telebista-katean eskaintzen duen saioan.
Madurok azaldu duenez, Venezuelak dituen urre, petrolio, gas eta diamante erreserbak erabilita jaulkiko du diru berria.