Mundua -
IRAK
Gutxienez 36 pertsona hil dituzte Iraken, atentatu bikoitz batean
Irakeko Barne Ministerioak azaldu duenez, bi erasotzaile suizidak beren burua leherrarazi dute Bagdad hiriburuko Al Tayaran plazan.
AGENTZIAK | ERREDAKZIOA
Gutxienez 36 pertsona hil eta 91 zauritu dira gaur Bagdaden (Irak) izandako atentatu bikoitz batean, bertako osasun iturri batek egindako azken balantzearen arabera.
Saad Maan Irakeko Barne Ministerioko bozeramaileak azaldu duenez, bi erasotzaile suizidak beren burua leherrarazi dute Bagdad hiriburuko Al Tayaran plazan, hiriaren erdigunean.
Erreskate taldeek lanean dihardute, eta litekeena da hildakoen kopuruak gora egitea.
Oraingoz ez du inork erasoa bere gain hartu.
Azken hiru egunetan Bagdaden izan den bigarren atentatua da, larunbatekoaren ondotik. Orduan, hiru pertsona hil eta beste hamar zauritu ziren Al Kademiya inguruan, bonba auto bat leherrarazita.
