Mundua -

Venezuela

Venezuelako komisaria batean gertatutako 68 heriotzak ikertzeko eskatu du Gobernuak

Carabobo estatuko polizia-etxean sutea piztu zen joan den asteazkenean, eta 68 pertsona hil ziren. Jazoera argitzeko ikerketa abiatzeko eskatu dio Gobernuak Fiskaltzari.

68 lagun hil ziren sutean. Argazkia: EFE
68 lagun hil ziren sutean. Argazkia: EFE
68 lagun hil ziren sutean. Argazkia: EFE

AGENTZIAK| ERREDAKZIOA

Whatsapp Facebook Twitter Telegram Email

Joan den asteazkenean Venezuelako Carabobo estatuko komisarian piztutako sutean hildako 68 lagunen heriotza argitzeko xedez, ikerketa abiatzeko eskatu dio Venezuelako Gobernuak Fiskaltza Publikoari.

Gauzak horrela, diziplina arteko talde bat sortuko duela iragarri du, jazoeraren "egia" ezagutzera emateko, eta "balizko erantzukizunak zuritzeko, justizia irmo eta sendo aplikatuta", Venezuelako Gobernuak ohar baten bidez zabaldu duenez.

Gobernuak doluminak agertu dizkie senideei eta lagunei, eta "Giza Eskubideetarako Nazio Batuen Ordezkari Gorenak egindako adierazpenak arinak gaitzetsi eta errefusatu" egin ditu.

Hau zure interesekoa bada, baliteke beste gai hauek ere izatea
Suteak argazkiak Gaurko azken ordukoa Venezuela albisteak