Mundua -

Mendi-istripua

Hiru alpinista espainiar hil dira Suitzan elur-jausi baten ondorioz

Gainera, beste bi arin zauritu dira. Elur-jausia gertatu denean, pistatik kanpo zebilen alpinista-taldea, Valais kantonamenduan.

Arin zauritutako bi laguni alta eman diete ospitalean. Argazkia: EFE
Arin zauritutako bi laguni alta eman diete ospitalean. Argazkia: EFE
Arin zauritutako bi laguni alta eman diete ospitalean. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Hiru alpinista espainiar hil eta beste bi arin zauritu dira Valais Suitzako kantonamenduan, larunbat arratsalde honetan izandako elur-jausi baten ondorioz, Espainiako Atzerri Ministerioak baieztatu duenez. Zaurituei alta eman diete ospitalean, eta arreta psikologikoa jasotzen ari dira.

Fiescheko zonaldea eta Fiescheralpeko eski-estazioaren artean zegoen alpinista-taldea, pistatik at elur-ibilaldia egiten, jausia gertatu denean.

Suitzako Poliziak ikerketa abiatu du jazoeraren nondik norakoak argitzeko eta, ahal den bezain pronto, bizirik atera direnen testigantzak jasoko dituzte. Polizia-bozeramaile batek adierazi duenez, hildakoen gorpuak elur azpitik dagoeneko berreskuratu dituzte.

Espainiako kontsulatu-agintariekin harremanetan dago Valaiseko Polizia, dagozkion aberriratze-izapideak egin ditzaten.

Hau zure interesekoa bada, baliteke beste gai hauek ere izatea
Espainia argazkiak Euskal mendiak Elurra bideoak Gaurko azken orduko albistea Suitza Beste kirol batzuk Erreskateak mendian Elausoei buruzko albisteak