Publizitatea
X

Irratia zuzenean

Israel Gazan indarrez sartzeko prestatzen ari da

Mundua

Indarrez sartzea, gertuago

75.000 erreserbista mobilizatzea erabaki du Israelek

Erredakzioa

2012/11/17

29 palestinar hil dituzte, tartean Hamaseko buruzagietako bat. Bestalde, Gazatik jaurtikitako misil bat Jerusalemetik gertu erori da, azken 40 urteotan estreinakoz.

01:21
  • Partekatu
  • Bidali

Iruzkinak

Israelek 75.000 erreserbista mobilizatzea onartu du, eta Gaza lurretik inbaditzeko lehen urrats izan liteke. Herrialde horretako Armada asteazkenetik ari da Gaza bonbardatzen, eta dagoeneko 29 palestinar hil ditu.

Hamaseko kideetatik urrun egoteko ohartaraziz, SMS mezuak bidali dizkie Israelgo armadak Gazako Zerrendan bizi diren 12.000 palestinarri, Hamaseko kideak Israelgo armadaren jomuga izan daitezkeelako.

Ehud Barak Israelgo Defentsa ministroak azaldu duenez, erreserbistak deitzeak "edozein" gertakizuni aurre egiteko "prest" egotea du helburu.

Beny Gantz Estatu Nagusiko buruak argi berdea eman dio Armadari lurreko inbasioa prestatzen hasteko. Eli Yishai Barne ministroa bide beretik ibili da, eta inbasioa "aukera bat" dela baieztatu du.

2008ko amaieran eta 2009ko hasieran Israelek Gaza inbaditu zuenean, 1.400 palestinar hil zituen, gehienak, zibilak.

29 palestinar hil dituzte

Ostiral honetan, Hamaseko buruzagietako bat eta beste hiru palestinar hil ditu Israelgo armadak. Hala, dagoeneko 29 dira asteazkenetik hildako palestinarrak, horietatik 11 gutxienez zibilak. Zaurituak 250 dira.

Hildakoen artean 60 urteko gizon bat, 6 haur eta emakume bat daude. HamasenOsasun Ministerioko bozeramaileak jakinarazi duenez, Israelgo Armadakbeste aire eraso bat egin du goizean eta 19 urteko mutiko bat hil daerasoan. Mutikoak gas bonbona bat zeraman gainean, eta erasoarenondorioz hil egin da. Hilda iritsi da Qandil eta Haniye zeuden Shiyaospitalera.

Indarkeria-uholde hau asteazkenean hasi zen, Israelek Ahmad Yabari Hamasen buru militarra hil eta gero.

Misila eta sirena hotsak Jerusalenen

Gazatik jaurtikitako misil bat Jerusalemen erori da gaur, azken 40 urteotan estreinakoz. Aurretik, Hegazkinen kontrako sirena entzun da hirian, 1991ko Golkoko Gerraz geroztik, lehen aldiz.

Jon Donisson BBCko kazetariak azaldu duenez, leherketa handiak ari dira izaten Gaza iparraldean, eta Israelgo Armadako hegazkinak lurralde palestinarra bonbardatzen ari dira.

Hamasen aldetik abioi militar bat suntsitu izana gezurtatu du Israelek

Israelgo Armadak Hamasen beso armatuak, Azedin Al Kaseemeko Brigadek, Gazako zerrendaren gaineko zeruen zegoen hegazkinetako bat suntsitu izana ukatu du, miliziek azaldu dutenez.

Ban ''laster'' izango da Ekiarde Hurbilean, indarkeriak gora egin duelako

Ban Ki-moon Nazio Batuen Erakundeko idazkari nagusia “laster” izango da Ekialde Hurbilean, Gazako zerrendan eta Israel hegoaldean indarkeriak gora egin duelako, israeldarren azkeneko eraso militarraren ostean.

Martin Nesirky NBEko bozeramaileak ez du datarik zehaztu, ezta zein leku bisitatuko dituen esan, baina Banek nazioarteko buruekin harremanetan jarraitzen duela nabarmendu du, barealdia eta euskarria eskatzeko.

Egiptoko lehen ministroa, Gazan

Bestalde, Hisham Qandil Egiptoko lehen ministroak amaitu du gaur goizean Gazara egin duen bisita. Hiru orduko bisitan Shifa ospitalean izan da Hamasen Gobernuko Franjako buruzagiarekin, Ismail Haniyerekin batera. Bere bisitaldian ez da su-etenik izan. Atzo, Benjamin Netanyahu Israelgo lehen ministroak hiru orduz erasoak etetea erabaki zuen Qandil Egiptoko lehen ministroaren bisitak irauten zuen bitartean, beti ere, Gazatik erasorik ez bazegoen. Egiptoko lehen ministroak bere bisita baliatu du, palestinarrei elkartasuna eta babesa adierazteko.

Egiptoko lehen ministroak su-etena eskatu die bi aldeei bakea lortzeko lehen urrats gisa, eta Egiptoko politikariek bisita ofizial eta ez ofizial gehiago egingo dituztela iragarri du.

“Ezin dugu tragedia honen aurrean isilik geratu, eta guztiek beren erantzukizuna onartu behar dute. Israelek sinatu dituen nazioarteko itunak errespetatu behar ditu”, adierazi du Egiptoko lehen ministroak Ismail Haniye Hamasen Gobernuko Franjako buruzagiarekin egin duen prentsaurrekoan.

Mohamed Mursi Egiptoko presidenteak atzo eskatu zion Qandili Gazara joatea, Israelen erasoa "onartezina" dela argudiatuta.

Tunisiako atzerri ministroak, Rafik Abdesslem, Gaza bisitatuko duela iragarri du bertako Gobernuak Hamasi babesa adierazteko eta Israelekiko presioa areagotzeko.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena