Jesus Torquemada
IRUZKINA
DAESHek Mosulen izan duen porrota nola kudeatu
JESUS TORQUEMADA
Mosul galduta, golpe gogorra jaso du DAESH taldeak. Ekintzaile batzuk oraindik eusten ari diren arren, DAESHek ez du inongo aukerarik hiria berreskuratzeko.
Jihadistek eurek onartu dute Mosulen izandako porrota, aitortuz, euren hiriburua Tal Afarrera aldatu dutela, Mosuletik 65 kilometrora. Noski, horrek ez du esan nahi Estatu Islamikoa erabat garaitua dagoenik.
Raqqa kontrolpean dute Sirian, eta zibilen aurka atentatuak egiteko gai dira Bagdaden, Damaskon eta Europan. Baina, egia da arriskuan dagoela euren kalifa-herria, bere lurraldea geroz eta txikiagoa baita.
Oso gai garrantzitsua gelditzen da orain argitzeke: nola jokatuko duten Mosul askatu duten milizia xiiek, irakiar suniak baitira gehiengoa Mosulen.
Irakeko armadak, itxuraz, operazioaren buru denak, kontu handia izan beharko du xiiek ez dezaten sunien aurkako mendeku ekimenik abian jarri. Xiiek sunien aurka erabilitako indarkeria sektarioa izan zen, hain justu, Estatu Islamikoaren sorrerarako arrazoietako bat.
