Politika -

Gaztela eta Leon

Trebiñu Arabara batzeko prozesua hasiko du alkate berriak

Ignacio Portilla konderriko alkate berriak azaldu duenez, Gaztela eta Leon eta Euskadiko gobernuko ordezkariekin elkartzen saiatuko da.

Trebiñu. Argazkia: EITB
Trebiñu. Argazkia: EITB

Erredakzioa

Whatsapp Facebook Twitter Telegram Email

Gaurtik aurrera, alkate berria du Trebiñuko konderriak, izan ere, PPko alkate ohia kargutik kentzea lortu dute zentsura mozio bati esker. Ignacio Portilla Independenteen taldeko kidea da alkate berria, eta jakinarazi duenez, Trebiñu Arabara batzeko prozesua hasiko du laster.

Zentsura mozioa aurrera atera da Independenteen taldeko bi kideen, Trebiñuko herritarren plataformako 2 zinegotzien eta Bilduren boto bakarrari esker. EAJko zinegotzia abstenitu egin da, forma arrazoiak argudiatuta.

Alkate berriak hartu du hitza, eta horren hitzetan Trebiñu Arabara batzeko aldarria beti egon da, “iraganean egon zen, gaur egon dagoen eta etorkizunean ere egongo da”. Gaineratu duenez, eskaria aurrera aterako da Gaztela eta Leongo gobernuak bidean trabak jarriko baditu ere. Halaber, Gaztelatik banatzeko beharrezkoak diren pausoak emango dituztela adierazi du.

Iragarri duenez, Gaztela eta Leon eta Euskadiko gobernuko ordezkariekin elkartzen saiatuko da.

Adolfo Estavillo Trebiñuko herritarren plataformako kideak azaldu duenez, konderria Arabara batzeko erabakia “ez da txarra” da, beti ere, herritarren mesedetan baldin bada.

Nestor Fernandez Bilduko zinegotziaren aburuz, zentsura mozioaren ondoren aro berri bat irekiko da Euskal Herrian, eta Trebiñu Arabako zati izatea lehentasuna izango da, berriz ere.

Erabaki horrek Gaztela eta Leongo gobernuarekin dituzten harremanetan eragina izango duela ohartarazi du PPko alkate ohiak. Halaber, oposiziotik lanean jarraituko duela iragarri du.

Hau zure interesekoa bada, baliteke beste gai hauek ere izatea