Politika -

Cristina infanta, inputatuta

Infantak ez die kazetarien galderei erantzun lehenengo agerraldian

Espainiako erregearen alaba Caixaren egoitza nagusira joan da gaur lanera, eta atarian kazetari ugari zain bazituen ere, ez die jaramonik egin galderei eta isilik sartu da lantokian.

Cristina Espainiako infanta, gaur. Argazkia: Efe
Cristina Espainiako infanta, gaur.
Cristina Espainiako infanta, gaur. Argazkia: Efe

Erredakzioa

Whatsapp Facebook Twitter Telegram Email

Cristina Espainiako infanta Caixak Bartzelonan duen egoitza nagusira joan da gaur lanera normaltasun osoz, Castro epaileak Noos auziaren baitan inputatu gisa deklaratzera deitu eta biharamunean.

Cristina infanta 09:15 aldera iritsi da banketxearen egoitzara, eta ate nagusitik sartu da, atarian ziren kazetarien galderei erantzunik eman gabe.

Caixa Fundazioko langilea da Cristina infanta 1993tik, eta hainbat ardura izan ostean, egun Nazioarteko Sailaren zuzendaria da.

Castro epaileak Juan Carlos Espainiako erregearen alaba inputatu du Noos auziaren baitan, 14 zantzu atzeman dituelako, eta apirilaren 27an deitu du deklaratzera.

Hau zure interesekoa bada, baliteke beste gai hauek ere izatea